Introduction:
In badaltey lamho mein
Ek badalti tasveer toh hain
Lekin waqt ke palatatey panno pe
Kuch cheharey ab bhi badaley nahi hain
Pahuch gaye hain chand par lekin
Taare ab bhi duur hi hain
Haryali lehalahati toh hain dharti pe
Par sapno ke rang poore khiley nahi hain
Waqt hain ab yeh sununey ka
Kya kehatey hain iss dharati ke bol
Uthey toh hain tez raftaar kadam musafir
Ab dekho mann ki aankhey khol
Chorus 1:
Aaj ki pehachan tumse hi hain
Kal ki raftaar tumse hi hain
Desh ke dil mein tumhi toh ho
Toh ab rago mein khoon banke baho
Inqlab ki chingari bankar
Choti si lau ko aag kar do
Dil mein dabe hain armaan jo
Unn sapno ko bhi mumkin kar lo
Intezaar mein hain raastey
Tayyar khadi hain manzilein
Toh saath mein le lo humsafaron ki toli
Dil karlo ek, chahey alag ho boli
Chorus 2:
Aaj ki pehachan humse hi hain
Kal ki raftaar humse hi hain
Desh ke dil mein hum hi toh hain
Toh kyu na rago mein lahoo banke bahey
Reprise:
Chaand mila toh kya
Taarey toh hain baaki
Safar lamba hain maana
Magar himmat bhi toh hain baaki
Chant:
Toh shuru toh karo
Ab mumkin hain
Koshish toh karo
Sab mumkin hain
Himmat toh karo
Dum hum mein hain.
Watan key tu sun le bol
Intezaar mein hain voh baahein khol
Watan pukarta hain humein
Kal ka har pal aaj mein hain
No comments:
Post a Comment